Buick Electra 225

Fyrir mörgum árum átti ég bíl og þá meina ég alvöru bíl. Þetta var Buick Electra 225 Limited 1975.

Það var hér kani (hermaður) sem átti hann, pabbi hans var bílasali og átti bílinn og gaf syninum til að taka með til íslands og svo þegar hann fór þá var bíllinn settur á uppboð hjá Sölu varnarliðseigna.

Bróðir Ingimars á Selfossi (sem ég man nú ekki hvað heitir) keypti hann og gerði upp. Ingimar (IB) keypti síðan bílinn af bróðir sínum og seldi mér skömmu síðar. 

Bjúkkinn var allur ný bólstraður og sprautaður. Bólstrunin á sætum og öðru var mjög vönduð enda bólstrari fenginn í verkið, ég frétti síðar að þetta hafi verið hans síðasta verk hér á meðal okkar.

Bíllinn var sprautaður glæsilega hvítur en innréttaður svartur, var grænn að mig minnir. Það var einu sem var breitt þegar hann var gerður upp, litla glugganum sem er aftast var lokað enda er það miklu flottara.

Það var ágætis kraftur í bílnum enda með 455 vél (7,5 L) og ekki nema 2200 kg. Besíneiðslan var ágæt eða frá 20 lítrum á hundraðið. Þessi Buick er lengsti 4 dyra hardtop bíll sem GM hefur framleitt eða 6 metrar (5,926 mm).

Ég á því miður ekki myndir af bílnum til að setja á netið en það stendur til bóta. Fann þennan á eBay og þar er hellingur af myndum af honum, þetta er eins bíll bara 1976 og annar litur, jú og minn var miklu flottari.

Ég sá hann síðast 2005 á bílasafni.

 

Athugasemdir

[Karl Tómasson, 27.1.2010 kl. 21:48]

Já frændi minn.

Ég veit að þú áttir einu sinni bíl og þú áttir hann meira að segja þegar þú kynntist þinni góðu konu. Ég gleymi honum ekki, kraftinum, innréttingunni, nautshúðinni og öllum stælunum. Hann var engum líkur.

Það var reyndar ekki Mercedes Benz en samt var Bjúkkinn magnaður.

Bestu kveðjur frá frænda úr Tungunni.