Er athyglin í lagi ?

Þetta er líklega ein sú besta auglýsing sem ég hef séð.

 

 

Upphertur

Jæja þá er ég vel upphertur og alveg stálsleginn. Aðgerðin var erfiðari en reiknað var með og tók 3 tíma, erfitt að komast að gömlu skrúfunum og svo biluðu tvær borvélar. Allt gekk vel að lokum og er ég kominn með mun sverari og lengri tein og stærri skrúfur. Ég kom heim af spítalanum á föstudaginn, var semsagt í fimm daga. Ég fer aftur í tékk 19. des og má ekkert vinna þangað til :-(  Það eina sem ég á að hugsa um er að passa að öxlin frjósi ekki, það eru allskonar æfingar sem ég þarf að gera, ég þekki þessar æfingar vel enda gert þær milljón sinnum.

Hér eru tvær myndir, röntgen myndin var tekin 11. en hin í gær. 

 

Gáta nr. 6

Um hvað gildir að því meira sem þú tekur því meira skilurðu eftir ?

Upphersla

Fer í smá uppherslu í fyrramálið, skelli inn mynd af ný hertu skrúfunum eins fljótt og ég get.

Gáta nr. 5

Hvar finnur þú vegi án bíla, skóg án trjáa og borgir án húsa?

Snjóhjól

Það væri gaman að prófa þetta.

Gáta nr. 4

Nær jafn bjart sem sólin, stundum myrkt sem himingeimurinn, eins og perla í svörtu flauelsbeði með glitrandi demanta til hliðar.

Hver er ég?

Girnilegar hnetur

Sóknarpresturinn var að heimsækja eitt sóknarbarnið, háaldraða konu. Hann tekur eftir skál fullri af girnilegum hnetum á stofuborðinu. "Mætti ég fá mér nokkrar?" spyr hann. "Gjörðu svo vel" svarar gamla konan. Eftir klukkustundar spjall stendur presturinn loks upp til að fara. Hann tekur þá eftir því að hann hefur klárað allar hneturnar úr skálinni! "Ég bið þig forláts á því að hafa klárað allar hneturnar úr skálinni, ég ætlaði bara að fá mér nokkrar, "segir presturinn hálf vandræðalegur." "Æ það er allt í lagi" svarar gamla konan. "Það eina sem ég get gert eftir að ég missti allar tennurnar er að sjúga súkkulaðið utan af þeim."

Gáta nr. 3

Strjúktu mér við og klóraðu á höfðinu. Það sem er rautt verður svart.

Hver er ég?

Endalaus snilli

Var kannski búinn að setja þetta inn áður en hvað um það, alveg hægt að horfa á nokkrum sinnum :-)

 

Gáta nr. 2

Hvað getur brennt augun, sviðið í munni, en er samt borðað?

Plómusteinn

Einu sinni fór maður í dýragarðinn til að skoða apana. Hann var með plómur með sér og henti einni inn í apabúrið. Einn apinn tók hana upp, tók steininn úr og mátaði hann í afturendann á sér. Síðan stakk hann steininum aftur í plómuna og át hana. Þetta fannst manninum skrýtið. Hann henti annarri plómu til apans. Aftur tók apinn steininn úr plómunni, mátaði hann í afturendann, stakk steininum í plómuna og át hana. Eftir að það sama hafði gerst í þriðja sinn fór maðurinn til apa umsjónarmannsins og spurði hvað væri eiginlega að apanum og sagði honum hvað hafði gerst. "Þetta er ekkert skrýtið" svaraði umsjónarmaðurinn, "í síðustu viku gaf honum einhver plómu með það stórum steini að hann gat ekki skitið honum. Nú er hann að máta."

Gáta nr. 1

Tvo fætur hef ég en aðeins þegar ég hvíli mig snerta þeir grund.

Hver er ég?

600 naglar

Þá eru nagladekkin komin undir, vonandi snjóar, rignir og frystir og alles svo að þau fái að njóta sín.

Þetta eru Nokian Hakka WXC300 og eru með 300 nöglum, það ætti að duga.

 

Verkfræðinemar

Tveir verkfræðinemar hittust á háskólalóðinni. Annar kallaði til hins, "Heyrðu... En flott fjallahjól! Hvar fékkstu hjólið?" "Ja...," sagði hinn, "Ég var á leiðinni í tíma um daginn þegar þessi æðislega skvísa renndi upp að mér á þessu hjóli, hoppaði af hnakknum, fór úr öllum fötunum og öskraði "þú mátt gera allt sem þú vilt!!" "Vel valið", sagði vinur hans, "þú hefðir aldrei passað í förin hennar".

Hjól dagsins

Cannondale On

Meira hér 

Bréf frá mömmu

Kæri sonur.

Ég skrifa þetta bréf mjög hægt vegna þess að ég veit að þú lest ekki hratt. Við búum ekki lengur þar sem við bjuggum þegar þú fluttir að heiman. Pabbi þinn las nefnilega í blaðinu að flest slys gerast innan 30 kílómetra frá heimilinu, svo að við fluttum. Ég get ekki sent þér heimilisfangið okkar vegna þess að fjölskyldan sem bjó hér síðast tók húsnúmerið með sér svo að þau þyrftu ekki að breyta heimilisfanginu. Húsinu fylgdi þvottavél. Fyrsta daginn þvoði ég fjórar skyrtur, togaði í handfangið og síðan hef ég ekki séð þær. Það rigndi bara tvisvar í síðustu viku, fyrst í þrjá daga og síðan í fjóra. Manstu eftir frakkanum sem þú baðst mig um að senda þér. Hann er kominn í póst en Stína frænka sagði að það yrði svolítið dýrt að senda hann svo við klipptum allar þungu tölurnar af frakkanum og settum þær í vasann. Systir þín fæddi barn í morgun. Ég veit ekki enn hvort hún átti svo ég veit ekki hvort þú ert frændi eða frænka. Jæja það eru ekki fleiri fréttir í bili. 

Ástarkveðjur mamma.

P.s. Ætlaði að senda þér smá aur en var búin að loka umslaginu.

Önd labbar inn á bar.

Önd labbar inn á bar og spyr "Áttu nokkuð kex?" Barþjónninn svarar, "Nei ég á ekkert kex." Öndin labbar út. Öndin kemur aftur næsta dag og spyr. "Áttu nokkuð kex?" Barþjónninn svarar, "nei ég á ekkert kex." Öndin labbar út. Öndin labbar inn þarnæsta dag og spyr, " Áttu nokkuð kex?" Barþjónninn svarar, "Ég sagði þér í gær og daginn þar á undan að ég ætti ekkert kex og ef þú spyrð mig einu sinni enn þá negli ég gogginn á þér saman !" Öndin labbar út. Aftur labbar öndin inn daginn eftir og spyr, "Áttu nokkuð nagla?" Barþjónninn svarar, "Nei". Gott. Áttu nokkuð kex?"

Næsta sumar

Sko ekkert mál, bara bruna af stað, ætti að vera lítið mál að draga tjaldvagn, sumarfríið næsta sumar allavega komið á hreint

 

 

 

X-ray

Jæja, hér eru nýjustu röntgenmyndirnar, þær voru teknar núna í september.

Vinstri handleggur er að gróa en alveg afskaplega hægt.

Hægri grær ekkert lengur, er alveg stopp, verð negldur upp á nýtt 10. nóvember.

 

Vinstri.

 

Hægri.