Loksins

Jæja þá er loksins aðeins smá farið að gróa, ekki eins mikið og það ætti að vera en samt smá

 

Mistök

Ég hef bara einusinni gert mistök og það var að fara ekki á MUSE tónleikana í Laugardalshöll

22 Ti

Það er nú ekki amalegt að vera stálsleginn!

Kvartanir

Deildinni hefur borist bréf þar sem kvartað er undan bloggleysi. Kvörtuninni hefur verið skotið fyrir nefnd og mun hún verða þar til umfjöllunar þar til niðurstaða fæst. Í augnablikinu er ég að skoða þessar myndir, hvað finnst ykkur?

 

 

 

 

 

 

 

Beinin

Skellti inn nokkrum röntgenmyndun í myndaalbúmið.

 

Alveg eins og nýr

Þá er búið að bora, negla, skrúfa og alles, horfi ekki um öxl heldur fram á hjólreiðastíginn.

Teinn

Á morgun verður sko fjör, þá verður teinninn tekinn úr vinstri handleggnum og nýr settur í, það verða víst boruð ný og voða flott göt í gegnum beinin og teininn og allt skrúfað saman upp á nýtt, það þarf líklega að taka smá bein úr mjöðminni og setja í brotið en það kemur í ljós í aðgerðinni. Vonandi fer þetta nú að gróa því að ég er nú ansi mikið farinn að sakna hjólsinns, vinnunar og þess frelsis að vera heilbrigður.

Gleðilegt ár.

Jæja þá er 2008 loksins komið, einmitt það sem ég hef verið að bíða eftir. Af hverju var hann að bíða eftir nýju ári hugsa kannski margir en það gefur nú auga leið, Nú auðvitað til að gera nýtt áramóta heit. Síðasta áramóta heit fór aðeins úr böndunum í lok ársinns en heitið var að halda sér í kjörþyngd, sem var nú frekar létt eða bara skítlétt fyrir mig þar sem ég hef nú alltaf verið í henni. Þá er það nýja áramótaheitið en það er að sjálfsögðu að ná sér aftur í kjörþyngd.

Hafið það sem best á nýja árinu, það verður frábært.

Jólaljós

Get ekki ákveðið hvora jólaseríuna ég á að setja upp þetta árið, þið gætuð kannski hjálpað mér að velja.

HUUN HUUR TU

Í október árið 2003 var ég með félaga mínum í Frankfurt, við vorum á labbi í miðbænum og rákumst þá á hina frábæru hljómsveit Huun huur tu sem er frá Mongólíu, við settumst niður of hlustuðum á nokkur lög og höfðum mikið gaman af. Mig minnir nú að þeir hafi komið hingað á listahátíð. Njótið vel.

 

iTunes

Þetta er nú meiri snilldar hugbúnaðurinn þessi iTunes og mikið er nú þægilegt að geta haft alla sína tónlist í tölvunni. Var búinn að eyða þó nokkrum tíma í að finna myndirnar af diskunum á netinu og var orðinn annsi leiður á því, svona er að gera þetta ekki jafnmóðum, en í dag fékk ég viðbótar forrit í iTunes sem heitir Gimmesometune. Þetta er annsi sniðugt, um leið og maður skellir disk í iTunes þá finnur forritið sjálft myndina og skellir henni inn, þannig að núna er ég kominn með myndir af öllum diskum (plötum) sem eru í  tölvunni eða iTunes.

Ekki veit ég hvort þetta er hægt í þessum vonlausa dimma grámyglu PC tölvuheimi en hjá okkur sólskinsbrosandi epla notendum er þetta bara snilli sem virkar

Pizzur

Pizzur geta nú verið ágætar en þær eru frábærar ef maður gerir þær sjálfur.

Best að skella inn uppskrift.

 

Hmm, nei annars hættur við, ég gæti fengið samkeppni. 

Charlie Chaplin

Þvílíkur snillingur var nú Chaplin, það liggur við að það sé hægt að horfa á hann endalaust.

 

 

Umhvefis jörðina

Í kvöld fór ég og sá bræðurna Einar og Sverri Þorsteinssyni sýna myndir og segja frá ferð sinni umhverfis jörðina á mótorhjólum, þeir fóru þessa leið minnir mig, Noregur, Svíþjóð, Finnland, Eistland, Lettland, Litháen, Rússland, Mongólía, Rússland, Síbería, Rússland, Japan, Alaska, Kanada, Bandaríkin og svo heim til Íslands. Þetta var frábært kvöld og mæli ég með að lesa og skoða myndirnar á blog síðunni hans Sverris.

http://sverrirt.blog.is/blog/sverrirt/

 

 

Subaru gegn Volvo

Þar sem ég nenni ekki að skrifa neitt þá skélli ég bara inn enn einu videoinu. Rakst á þetta fyrir löngu þegar ég var í bílahugleiðingum.

Hopp og skopp

Það er alveg magnað á sjá þessa gaura sem eru að leika sér að hoppa, skoppa, stökkva og allt. Hafa líklega þurft að fá plástur einhverntíman.

Draumahjólið

Ég væri nú alveg til í að fá mér eitt svona.

http://www.katz-bikes.com/

 

 

 

Rólegt

Já enn og aftur er ekkert spennó að ské, vonandi gerist nú samt eitthvað í vikunni. En svona á meðan þá mæli ég með þessum:

 

Enn og aftur Eggert Pétursson

Fór aftur á Kjarvalsstaði til að sjá verkin hanns Eggerts, þetta er alveg mögnuð sýning og naut ég hennar betur en síðast.

Fjallahjól

Þá er nú komið að því að finna nýtt fjallahjól, hef verið að skoða hjól með Rolhoff gírum. Það koma nokkur hjól til greina og svo er nú bara spurning hvort maður kaupi bara stellið og allan búnaðinn sér og setji saman sjálfur.

Hef verið að skoða þessi:

http://www.vannicholas.com//Gallery/ZNRH_DT1_M.jpg

http://www.hilset.be/images/Rohloff/single4.jpg

http://www.endorfinbikes.de/EN/lupe/6.jpg